កីឡាករប្រេស៊ីល Norberto Neto Murara ដែលទើបតែចាកចេញពី Valencia ផ្លាស់មកចូលរួមនៅតំណែងជាអ្នកចាំទីដៃទីពីររបស់ក្លឹប Barcelona បានបង្ហាញពីឆន្ទៈក្នុងការចង់ឈ្នះពាន Champions League ជាមួយក្លឹបថ្មី។
ជជែកនៅថ្ងៃបង្ហាញខ្លួន Neto និយាយថា៖ “នេះជាពេលដ៏ល្អបំផុតសម្រាប់ខ្ញុំ ដោយខ្ញុំកំពុងក្លាយជាមនុស្សរីករាយបំផុតក្នុងលោក ហើយមកក្លឹបនេះជាក្តីស្រមៃរបស់ខ្ញុំ ជាមួយនឹងកិត្តិយសដែលចង់ឈ្នះ Champions League រៀងរាល់ឆ្នាំ”។
លោកសង្កត់ធ្ងន់៖ “ខ្ញុំធ្លាប់ស្ថិតនៅក្រុមដែលចាញ់ Champions League វគ្គផ្តាច់ព្រ័ត្រ បែបនេះទើបជាហេតុផលដែលខ្ញុំមក Barca ដើម្បីប្រជែងឈ្នះ Champions Leauge និងជួយមិត្តរួមក្រុមខ្ញុំដើម្បីដណ្តើមយកវាឲ្យបាន”។
បញ្ជាក់ថា Neto ជាប់កុងត្រាជាមួយក្លឹបដល់ថ្ងៃទី ៣០ មិថុនា ឆ្នាំ ២០២៣ ដោយរូបគេទទួលបានអាវលេខ ១៣ ដែលជាអាវចាស់របស់ Jasper Cillessen ដែលទើបផ្លាស់ទៅចូលរួមនៅក្លឹបប្រជៀវ Valencia។ ប្រភព៖ BeSoccer