ក្រុម Leicester City បានទិញយកខ្សែបម្រើ Youri Tielemans ដាច់ពីក្រុម Monaco ហើយក្នុងតម្លៃ៤០លានផោន ក្រោយពីខ្ចីជើង១រដូវកាលកន្លងទៅ។
កីឡាករបែលហ្សិកខាងលើនេះ បានចុះកុងត្រា៥ឆ្នាំជាមួយក្រុម Leicester ក្នុងតម្លៃខ្លួន៤០លានផោន។ Tielemans អំឡុងពេលលេងរដូវកាលមុន រកបាន៣គ្រាប់ និងបញ្ជូនបាល់ឱ្យមិត្តរួមក្រុមបាន៤គ្រាប់ ក្នុងការបង្ហាញខ្លួន១៣ប្រកួតឱ្យ Liecester។ សមត្ថភាពលេងល្អ និងយល់ចិត្តក្រុមនេះហើយ ទើបធ្វើឱ្យក្លឹបដែលមានម្ចាស់ជាជនជាតិថៃមួយនេះ សម្រេចទិញផ្ដាច់កុងត្រាតែម្ដងតម្លៃ៤០លានផោន។
កីឡាករវ័យ២២ឆ្នាំនឹងចូលរួមហ្វឹកហាត់ ក៏ដូចជាប្រកួតមិត្តភាពជាមួយក្រុមនៅប្រទេសបារាំង។ លោក Rodgers ដែលជាអ្នកចាត់ការក្រុមបានបញ្ជាក់ថា Tielemans គឺសក្ដិសមណាស់សម្រាប់ចូលរួមជាមួយក្រុម។ រូបគេបានបង្ហាញភាពអស្ចារ្យរបស់ខ្លួនរួចទៅហើយ កាលពីពាក់កណ្ដាលរដូវកាលមុន៕ប្រភព៖ Dailymail
