ខ្សែប្រយុទ្ធ Lionel Messi អាចនឹងត្រូវសហព័ន្ធកីឡាបាល់ទាត់អាមេរិកខាងត្បូងពិន័យមិនឱ្យលេងជម្រើសជាតិ២ឆ្នាំ ដោយសារតែការរិះគន់មើលស្រាលដល់សហព័ន្ធ។
Messi បាននិយាយក្រោយចប់ព្រឹត្តិការណ៍ខាងលើនេះថា៖ “ Copa America បានរៀបចំដើម្បីឱ្យប្រេស៊ីលជាអ្នកឈ្នះទៅហើយ។ សង្ឃឹមថាអាជ្ញាកណ្ដាលនិង VAR មិនមានឥទ្ធិពលចំពោះរឿងនេះទៅចុះ ប៉ុន្តែខ្ញុំគិតអាចមិនអាចឡើយ”។ ប្រធានក្រុមអាហ្សង់ទីន ក៏បានបន្ថែមទៀតថាអាជ្ញាកណ្ដាលក្នុងព្រឹត្តិការណ៍នេះពុករលួយ លំអៀង ទៅខាងម្ចាស់ផ្ទះ ហើយក៏ជាចំណែកធ្វើឱ្យអាហ្សង់ទីនធ្លាក់ផងដែរ។
ការនិយាយរិះគន់ការរៀបចំ និងអាជ្ញាកណ្ដាលនៅ Copa America នេះហើយ បានធ្វើឱ្យរូបគេប្រឈមខ្លាំងទៅនឹងការពិន័យ។ ហើយបើតាមច្បាប់បានចែងក្នុងសហព័ន្ធបាល់ទាត់អាមេរិកខាងត្បូងនេះ កីឡាករដែលមើលស្រាលសហព័ន្ធនឹងត្រូវជាប់ពិន័យមិនឱ្យលេងដល់ទៅ២ឆ្នាំឯណោះ៕ប្រភព៖ Foxsportsasia
