ភ្នាក់ងាររបស់លោក Jurgen Klopp បានបង្ហើបថាអ្នកចាត់ការដឹកនាំក្រុម Liverpool លើកពាន UEFA Champions League ក៏មានចិត្តចង់ទៅដឹកនាំក្រុមជម្រើសជាតិអាល្លឺម៉ង់ដែរ។
Klopp កំពុងមានប្រជាប្រិយភាពខ្លាំងមួយរយៈចុងក្រោយនេះ ដោយសារតែដឹកនាំក្រុម Liverpool បានល្អ លើកពាន UEFA Champions League និងប្រជែងពាន Premier League បានថែមទៀត។ ជាមួយការធ្វើបានល្អនេះដែរ មានមតិជាច្រើននៅអាល្លឺម៉ង់ចង់ឃើញបុរសដើមកំណើតអាល្លឺម៉ង់នេះ មកដឹកនាំក្រុមជម្រើសជាតិខ្លួនវិញ។
ជាមួយមតិខាងលើនេះដែរ ភ្នាក់ងាររបស់លោក Klopp ក៏ចេញមុខមកបកស្រាយដែរថា៖ “Klopp គាត់ក៏មានជម្រើសក្នុងការទៅដឹកនាំជម្រើសជាតិដែរ។ តែប្រហែលមិនមែនពេលនេះទេ ព្រោះគាត់កំពុងសប្បាយចិត្តនៅ Liverpool និងចង់ដឹកនាំក្រុមនេះឱ្យជោគជ័យជាងនេះទៀត”៕ប្រភព៖ Dailymail