អតីតខ្សែប្រយុទ្ធនៅ PL កីឡាករ Wayne Rooney បានបង្ហាញការយល់ឃើញថាយុវជនឆ្នើម Jadon Sancho មិនគួរចាកចេញពីក្លឹប Borussia Dortmund នោះទេ ដែលការលើកឡើងនេះសម្របបានទៅនឹងចចាមអារ៉ាមថា Man Utd ចង់បាន Sancho ទៅចូលរួមនៅ Old Trafford។
Rooney បានសម្លឹងឃើញយុវជនវ័យ ១៩ ឆ្នាំមានការអភិវឌ្ឍស្រាប់ជាមួយក្លឹបបច្ចុប្បន្នDortmund ដោយមានពេលវេលាលេងគ្រប់គ្រាន់។ នៅការបង្ហាញខ្លួន ៣៤ ប្រកួត Sancho រកបាន ១២ គ្រាប់នារដូវកាល ២០១៨/១៩។
ប្រាប់សារព័ត៌មាន Sport Bild កីឡាករលេងឲ្យក្លឹប DC United ប្រាប់ថា៖ “Dortmund ជាក្លឹបល្អមួយ
ពួកគេជឿជាក់លើកីឡាករវ័យក្មេងរបស់គេ ហើយអ្នកបានឃើញពីការលេងរបស់ Sancho នៅ ១២ ខែមុន គឺពិតជាសប្បាយនឹងមើលគេ ដែលលេងបានល្អនៅ BVB”។
Rooney បន្ត៖ “ពេលនេះ Jadon ចាំបាច់ត្រូវសួរខ្លួនឯងតើរវាងការលេងឲ្យ Dortmund មានពេលគ្រប់គ្រាន់និងផ្លាស់ទៅអង់គ្លេសបានត្រឹមអង្គុយបម្រុង ត្រូវយកមួយណា ខណៈដែលការលេងគ្រប់គ្រាន់គឺសំខាន់បំផុតសម្រាប់កីឡាករក្មេងៗដូចជា Jadon”។ ប្រភព៖ FoxSportAsia