ខ្សែប្រយុទ្ធរបស់ក្លឹប Juventus គឺកីឡាករ Gonzalo Higuain ហាក់កំពុងពិចារណាលើការផ្លាស់ទៅចូលរួមនៅក្លឹប AS Roma នារដូវកាល ២០១៩/២០ ជាមួយលក្ខខណ្ឌខ្ចីជើងបន្ថែមជម្រើសទិញផ្តាច់នូវតម្លៃខ្លួន ២៦ លានអឺរ៉ូ បូកការកាត់បន្ថយថ្លៃពលកម្ម។
ប្រភពពីសារព័ត៌មាន Corriere dello Sport បានចុះផ្សាយថាកីឡាករអាហ្សង់ទីនរូបនេះ ពុំបានស្ថិតក្នុងផែនការណ៍របស់លោក Maurizio Sarri នារដូវកាលក្រោយទេ បន្ទាប់ពីរូបលោកបង្ហាញខ្លួនមិនបានល្អនៅក្លឹប AC Milan និង Chelsea។
យ៉ាងណាមិញខ្ញីចាស់ Higuain ក៏នឹងបន្តនៅទឹកដីអ៊ីតាលី ប៉ុន្តែអាចផ្លាស់ទៅចូលរួមនៅ Roma លើជម្រើសទិញផ្តាច់តម្លៃ ២៦ លានអឺរ៉ូ ទាបជាងសំណើចាស់កាលនៅ Milan និង Chelsea ថ្លៃ ៣៦ លានអឺរ៉ូ គួបផ្សំថ្លៃពលកម្មក៏រំពឹងនឹងកាត់បន្ថយដូចគ្នា។ ប្រភព៖ Football-Italia
