Lionel Messi បានបដិសេធមិនព្រមឡើងឆាកទទួលមេដាយចំណាត់ថ្នាក់លេខ៣នៃពានរង្វាន់ Copa America ឡើយ ដោយខ្លួនសំអាងថាមានអំពើពុករលួយកើតឡើងក្នុងព្រឹត្តិការណ៍នេះ។ក្រុមអាហ្សង់ទីន បានលេខ៣ក្នុងព្រឹត្តិការណ៍ខាងលើនេះ ក្រោយពីពួកគេយកឈ្នះលើក្រុមឈីលីក្នុងលទ្ធផល ២-១ ប៉ុន្តែការប្រកួតនេះក៏មានរឿងមិនល្អកើតឡើងដែរ។ ពោលគឺ Messi បានកាតក្រហមមួយ ដែលកាតក្រហមនេះជាកាតក្រហមទី២ដែលរូបគេទទួលបានក្នុងការប្រកួតឱ្យជម្រើសជាតិតាំងពីឆ្នាំ២០០៥មក។
បានកាតក្រហម មិនពេញចិត្តនឹងការរៀបចំប្រកួត Leo បានសម្រេចចិត្តមិនឡើងទទួលមេដាយឡើយ ហើយរូបគេថែមទាំងបញ្ជាក់ហេតុផលទៀតថា៖ “ខ្ញុំនិយាយហើយថា ខ្ញុំមិនចង់ក្លាយជាផ្នែកមួយនៃអំពើពុករលួយទេ។ អាជ្ញាកណ្ដាលបានធ្វើឱ្យក្រុមអាហ្សង់ទីនមិនអាចឡើងដល់វគ្គផ្ដាច់ព្រ័ត្របាន។ វាជារឿងពិត ដែលពួកគេរៀបចំឱ្យយើងធ្លាក់ត្រឹមវគ្គនោះ”៕
ប្រភព៖ GOAL