ខ្សែប្រយុទ្ធ Lionel Messi ទើបទទួលបានកាតក្រហមលើកដំបូងក្នុងរយៈពេល១៤ឆ្នាំចុងក្រោយនេះ ក្នុងការប្រកួតដែលអាហ្សង់ទីន ឈ្នះឈីលី ២-១ បានលេខ៣ពានរង្វាន់ Copa America ។ក្រុមអាហ្សង់ទីនបាននាំមុខក្រុមឈីលី២គ្រាប់ទៅហើយ ប៉ុន្តែនៅនាទី៣៧ ខ្សែប្រយុទ្ធ Messi បានប៉ះជាមួយកីឡាករ Gary Medel ដែលបង្កជាការខឹងសម្បារយ៉ាងខ្លាំង។ ការប៉ះទង្គិចគ្នានេះហើយ ទើបបានជា Messi ត្រូវទទួលបានកាតក្រហម ជាមួយ Medel នេះដែរ។ សល់ត្រឹមគ្នា១០នាក់ នៅនាទី៥៩ Vidal ក៏រកបាន១គ្រាប់ឱ្យឈីលីដែរ តែលទ្ធផលបញ្ចប់ទៅក្រុមអាហ្សង់ទីន ២-១។
កាតក្រហមមុននេះ គឺជាកាតក្រហមលើកដំបូងហើយសម្រាប់ Messi ក្នុងអាជីពរយៈពេល១៤ឆ្នាំមកនេះ។ ខណៈដែលកាតក្រហមលើកដំបូងនោះកើតឡើងនៅឆ្នាំ ២០០៥ ពេលក្រុមអាហ្សង់ទីន លេងទល់ក្រុមហុងគ្រី៕
ប្រភព៖ DailyMail