Lampard អ្នកចាត់ការថ្មីក្រុម Chelsea បានបញ្ជាក់ថាសមាជិកបច្ចុប្បន្ននេះ គឺមានសមត្ថភាពគ្រប់គ្រាន់អាចចូលតំបន់ Top4 បានសម្រាប់រដូវកាលថ្មីខាងមុខនេះ។
Chelsea បានសម្រេចតែងតាំងអតីតខ្សែបម្រើរបស់ខ្លួន Frank Lampard ជាអ្នកចាត់ការទូទៅរបស់ខ្លួនក្នុងកុងត្រារយៈពេល៣ឆ្នាំ។ ក្នុងឱកាសបង្ហាញខ្លួននោះដែរ Lampard បញ្ជាក់ថាសមាជិកក្រុម Chelsea បច្ចុប្បន្ននេះគឺមានសមត្ថភាពគ្រប់គ្រាន់ក្នុងការប្រជែងជាមួយក្រុមដទៃ។ ការយកត្រឹម Top4 គឺតោខៀវអាចទៅរួច បើទោះជាក្រុមមិនអាចទិញដូរកីឡាករបានក៏ដោយ។
អតីតតារាឆ្នើមក្រុមជម្រើសជាតិអង់គ្លេសលេងបាន៦៤៨ប្រកួតឲ្យ Chelsea និងជួយក្លឹបឈ្នះពានធំៗ១១កម្មវិធី។ ក្នុងអាជីពជាគ្រូបង្វឹកវិញលោកធ្លាប់ជួយ Derby County ទៅដល់វគ្គ Play-off សឹងតែឡើងមក Premier League វិញទៅហើយ តែភ្លាត់ចាញ់ Aston Villa៕ប្រភព៖ Dailymail