តាមសារព័ត៌មាន Mundo Deportivo បានចុះផ្សាយថាក្លឹបយក្ស Real Madrid បានសម្រេចចិត្តអនុញ្ញាតឲ្យខ្សែប្រយុទ្ធ Mariano Diaz ចាកចេញពីក្លឹបបានហើយនាទីផ្សារដោះដូររដូវក្តៅ ដោយកំពុងចរចាជាមួយក្លឹបនៅអ៊ីតាលីគឺ AC Milan។
ប្រភពបានឲ្យដឹងថារវាងភាគីទាំងសងខាងបាននឹងកំពុងចរចាគ្នា ដោយមានគម្រោងចង់លក់ចេញម្តង ៣ រូបទាំង Theo Hernandez, Dani Ceballos រួមបញ្ចូលទាំង Mariano ម្នាក់ទៀតផងដែរ ខណៈអ្នកទាំងបីពុំបានស្ថិតក្នុងផែនការណ៍របស់អ្នកចាត់ការលោក Zinedine Zidane នារដូវកាលក្រោយឡើយ។
រំឭកថាអតីតម្ចាស់អាវលេខ ៧ [Mariano] បានមកចូលរួមជាមួយ Madrid នារដូវក្តៅឆ្នាំ ២០១៨ ក្រោយចំណាយពេលមួយឆ្នាំនៅក្លឹប Lyon ដែលរដូវកាលចាស់ ២០១៨/១៩ រូបគេបង្ហាញខ្លួនបាន ១៩ លើក រកគ្រាប់បាល់បញ្ចូលទីបាន ៤ គ្រាប់។ ប្រភព៖ Football-Italia
