ក្លឹប Leicester City បានព្រមព្រៀងជាផ្លូវការលើការចុះហត្ថលេខាជាមួយខ្សែប្រយុទ្ធ Ayoze Perez ចេញពីក្លឹប Newcastle United ដែលមានតម្លៃប្រមាណ ៣០ លានផោន។
ខ្សែប្រយុទ្ធសញ្ជាតិអេស្ប៉ាញបានព្រមព្រៀងលើកុងត្រារយៈ ពេល ៤ ឆ្នាំនៅទឹកដី King Power Stadium ក្រោយពេលក្រុមកញ្រ្ជោងបានប្រើលុយធំទិញផ្តាច់កុងត្រារបស់កីឡាករវ័យ ២៥ ឆ្នាំ។ រូបគេធ្លាប់ជាអតីតកីឡាករឈរជើងនៅ Tenerife ដែលមកចូលរួមនៅ Newcastle នាឆ្នាំ ២០១៤ ហើយកាលពីរដូវកាលចាស់រកបាន ១៣ គ្រាប់។
Perez ជាចំណូលថ្មីទីពីរ បន្ទាប់ពី Leciester ទើបតែទិញបាន James Justin ចេញពី Luton Town ខណៈខ្សែការពារកណ្តាល Harry Maguire កំពុងល្ហិចល្ហៀងថាក្លឹប Man Utd ចង់នាំយកទៅហើយ។ ប្រភព៖ Sportskeeda
