ខ្សែការពារ Virgil van Dijk កាន់តែមានភាគរយខ្ពស់ហើយក្នុងការឈ្នះពានរង្វាន់ Ballon d’Or ក្រោយពីខ្សែប្រយុទ្ធ Lionel Messi បរាជ័យជាមួយជម្រើសជាតិពានរង្វាន់ Copa America ។
ការប្រជែងពានរង្វាន់ Ballon d’Or នាឆ្នាំនេះ Van Dijk កំពុងមានឱកាសច្រើនជាងគេ ក្រោយពីជួយក្រុម Liverpool លើកពាន UEFA Champions League ។ ខណៈដែលអ្នកប្រជែងម្នាក់ទៀតគឺ Messi នោះ អាចនឹងអស់ឱកាសទៅហើយ ព្រោះរូបគេមិនអាចជួយក្រុមអាហ្សង់ទីនជោគជ័យក្នុងពាន Copa America បាន។ ជាក់ស្ដែង ទម្រង់លេងរបស់គេផ្ទាល់តែម្ដង ក៏មិនបានល្អដែរ។
នៅសល់តែ Ronaldo ម្នាក់ប៉ុណ្ណោះដែលមានឱកាស ព្រោះរូបគេឈ្នះពាននៅលីគអ៊ីតាលី និងជាមួយជម្រើសជាតិព័រទុយហ្គាល់ UEFA Nations League ។ ប្រសិនបើ Van Dijk ឈ្នះពាន Ballon d’Or មែន នោះរូបគេក្លាយជាកីឡាករថ្មីម្នាក់ទៀតរបស់ក្រុម Liverpool ដែលឈ្នះពានរង្វាន់នេះបាន ក្រោយពី Michael Owen ធ្វើបានសម្រេចកាលពីឆ្នាំ ២០០១កន្លងទៅ៕ប្រភព៖ Dailymail