ក្លឹបយក្សបារាំង Paris Saint-Germain បានព្រមព្រៀងក្នុងការនាំយកកីឡាករ Pablo Sarabia ចេញពីក្លឹប Sevilla នៅតម្លៃខ្លួនប្រមាណ ២០ លានអឺរ៉ូ។
ស្ថិតនៅកុងត្រារយៈពេល ៥ ឆ្នាំជាមួយក្លឹបមានមូលដ្ឋាននៅទីក្រុងប៉ារីស Sarabia ក៏ធ្លាប់ត្រូវបានក្លឹប Real Madrid ចាប់អារម្មណ៍ចង់បានផងដែរ បន្ទាប់ពីមើលឃើញនូវទម្រង់លេងដ៏ល្អកាលពីរដូវកាល ២០១៨/១៩ ឲ្យក្លឹបអេស្ប៉ាញ។
បុរសវ័យ ២៧ ឆ្នាំលេងនៅតំបន់បម្រើស្លាប បង្ហាញខ្លួនបាន ៣៣ ប្រកួតនៅ LaLiga រដូវកាលចាស់ រកបាន ១២ គ្រាប់និង Assist ដល់ទៅ ១៣ លើក ខណៈនៅ UEFA Europa League ក៏ធ្វើបានល្អមិនចាញ់គ្នា តាមរយៈការស៊ុត ៨ លើកនៅការបង្ហាញខ្លួនសរុប ១៣ ប្រកួត។ ប្រភព៖ Marca