អ្នកចាំទី Iker Casillas បានចូលហ្វឹកហាត់ជាមួយក្រុម Porto វិញហើយ ដើម្បីត្រៀមចូលលេងការប្រកួត Pre-Season នាពេលខាងមុខនេះ។
Casillas កើតជំងឺបេះដូង ហើយត្រូវបញ្ជូនទៅមន្ទីរពេទ្យភ្លាមៗ។ ដោយមានការសង្គ្រោះទាន់ពេលវេលា លោកត្រូវបានមតិជាច្រើនគិតថាអាចនឹងបញ្ចប់អាជីពបាល់ទាត់ត្រឹមនេះហើយ ព្រោះខ្លាចកើតមានបញ្ហាណាមួយពេលប្រកួតនៅពេលខាងមុខ។ ក្រោយពីពិនិត្យសុខភាពជាទៀងទាត់ និងស្វែងយល់ចិត្តខ្លួនឯងមក វីរបុរសអេស្ប៉ាញម្នាក់នេះក៏នៅតែបន្ដអាជីពនេះទៀតបាន។
បច្ចុប្បន្ននេះលោកកំពុងហ្វឹកហាត់ជាមួយក្រុម Porto ជាធម្មតាវិញហើយ ដើម្បីត្រៀមលេងការប្រកួតមុនបើករដូវកាលថ្មីខាងមុខ។ ស្របពេលសាមីខ្លួនបានបញ្ជាក់ថាសុខភាពបានត្រលប់ទៅរកភាពធម្មតាវិញទាំងអស់៕ប្រភព៖ Bbc