Liverpool ​កំពុង​ពិចារណា​ទិញ​យក Coutinho ​ត្រលប់​មក​វិញ​

ក្រុម​ Liverpool ​កំពុង​ពិចារណា​នាំ​យក​ខ្សែ​បម្រើ​ប្រយុទ្ធ​ស្លាប Coutinho ​មក​វិញ ​ក្រោយ​ពី​រូបគេ​មិន​ស្ថិត​ក្នុង​បញ្ជី​ត្រូវ​ប្រើ​សម្រាប់​រដូវ​កាល​ថ្មី​ខាង​របស់​ក្រុម​ Barcelona ។​

Coutinho ​បាន​ផ្លាស់​ទៅ​លេង​នៅ​ក្លឹប Barcelona ​កាល​ពី​ដើម​ឆ្នាំ​២០១៨​កន្លង​ទៅ ​ក្នុង​តម្លៃ​ខ្លួន​ជាង​១០០​លាន​ឯ​ណោះ ប៉ុន្តែ​ការ​លេង​របស់​គេ​ហាក់​មិន​ត្រូវ​បាន​គម្រោង​របស់​លោក Valverde ​ឡើយ ទើប​បាន​ជា​ក្លឹប​ចង់​បញ្ចេញ​គេ​វិញ។ ​មាន​ក្លឹប​ជា​ច្រើន​កំពុង​ចាប់​អារម្មណ៍​នាំ​យក​កីឡាករ​ប្រេស៊ីល​រូប​នេះ ​ហើយ​ក្នុង​នោះ​ក៏​មាន​អតីត​ក្លឹប​របស់​គេ Liverpool ​ផង​ដែរ។

​Coutinho ​ធ្លាប់​លេង​នៅ Liverpool ​៥​ឆ្នាំ ​និង​ទាញ​អ្នក​គាំទ្រ​បាន​យ៉ាង​ច្រើន ​អំឡុង​ពេល​បង្ហាញ​ខ្លួន​ជាង​១០០​ប្រកួត​របស់​គេ។ ​កីឡាករ​វ័យ​២៧​ឆ្នាំ​នេះ រក​បាន​៥៤​គ្រាប់​ដែរ ​និង​បញ្ជូន​បាល់​ឱ្យ​មិត្ត​រួម​ក្រុម​បាន​៤៥​គ្រាប់​នៅ​ពេល​លេង​ឱ្យ​ក្រុម​ហង្ស​ក្រហម​នោះ៕ប្រភព៖ Dailymail

ភ្ជាប់ទំនាក់ទំនងជាមួយ CTS SPORT