សហព័ន្ធកីឡាបាល់ទាត់ថៃ បានប្រកាសតែងតាំងលោក Akira Nishino អតីតគ្រូបង្វឹកក្រុមជម្រើសជាតិជប៉ុន មកធ្វើជាគ្រូបង្វឹកថៃហើយ។
លោក Akira នេះ គឺជាគ្រូបង្វឹកម្នាក់ដែលដឹកនាំក្រុមជប៉ុនជោគជ័យខ្លាំងនៅ World Cup 2018 កន្លងទៅ ដោយអាចឡើងដល់វគ្គ១៦ក្រុមចុងក្រោយ។ យ៉ាងណាមិញ បើទោះជាធ្វើបានល្អយ៉ាងណាក្ដី ក៏លោកបានសម្រេចចិត្តដើរចេញពីតួនាទីគ្រូជម្រើសជាតិជប៉ុននេះដែរ ក្រោយពីចប់ World Cup ភ្លាម ពោលគឺលោកចង់ឱ្យគ្រូមានទេពកោសល្យល្អផ្សេងទៀតមកដឹកនាំក្រុមជប៉ុនបន្ដ។
ក្រោយពីសម្រេចចែកផ្លូវជាមួយជប៉ុនហើយ ពេលនេះលោក Akira ត្រូវបានថៃទាក់ទង ហើយកាលពីម្សិលមិញនេះ ប្រភពនៅថៃបានបញ្ជាក់ថាលោកសម្រេចចិត្តមកដឹកនាំក្រុមនេះហើយ។ ប្រភពមួយចំនួនទៀតបានបញ្ជាក់ថាលោកដឹកនាំក្រុមធំ និងក្រុម U23 ។ តម្លៃពលកម្មរបស់លោកដឹកនាំក្រុមថៃនេះ គឺ៣០ម៉ឺនដុល្លារក្នុង១ខែ៕ប្រភព៖ Newsbeezer