Frank Lampard បានយល់ព្រមដឹកនាំក្រុម Chelsea ទៅហើយ នៅឡើយតែចាំពេលវេលាសមស្របដើម្បីប្រកាសជាផ្លូវការប៉ុណ្ណោះ។
ម្ចាស់ក្លឹប Derby លោក Mel Morris បានបញ្ជាក់ថា Lampard យល់ព្រមទៅដឹកនាំក្រុម Chelsea ហើយ ដោយបច្ចុប្បន្ននេះ នៅរង់ចាំតែពេលវេលាល្អដើម្បីធ្វើពិធីប្រកាសជាផ្លូវការប៉ុណ្ណោះ។ ការនិយាយបែបនេះ គឺក្រោយពីតោខៀវ បានយល់ព្រមឱ្យក្រុម Derby ៤លានផោន ដើម្បីនាំយកអតីតកីឡាកររបស់ខ្លួនមកដឹកនាំក្រុមវិញ។
ក្រុម Chelsea កំពុងរកអ្នកចាត់ការថ្មីមកដឹកនាំក្រុម ក្រោយពីលោក Sarri បានដើរចេញទៅដឹកនាំក្រុម Juventus បាត់។ ការពិបាករកអ្នកចាត់ការនេះ ក្រោយពីក្លឹបកំពុងជាប់បម្រាម មិនអាចទិញកីឡាករថ្មីចូលបានរហូតដល់២រដូវកាលឯណោះ។ បម្រាមនេះ គឺធ្វើឱ្យក្រុម Chelsea អាចត្រឹមចុះកុងត្រាជាមួយកីឡាករដែលខ្លួនខ្ចីជើងប៉ុណ្ណោះ៕ប្រភព៖ Dailymail