តាមសារព័ត៌មាន La Gazzetta dello Sport បានចុះផ្សាយថាត្បិតអីក្លឹបយក្ស Inter Milan នៅបង្ហាញការចាប់អារម្មណ៍ចង់បាន Luka Modric តែតារាឆ្នើមសញ្ជាតិក្រូអាតពុំបានយល់ព្រមនោះទេ ផ្ទុយទៅវិញបានប្រកែកដាច់ខាត ដោយចង់បន្តរួមរស់នៅ Real Madrid តទៅទៀត។
Inter ត្រូវបានគេដឹងថាធ្លាប់តាមចែចូវ Luka តាំងពីឆ្នាំ ២០១៨ មកម្ល៉េះ ដោយពុះកញ្រ្ជោលខ្លាំងចង់បានកីឡាករឈ្នះ Ballon d’Or ដើរចេញពី Santiago Bernabeu តែដោយសារសេចក្តីស្រលាញ់ ខ្សែបម្រើរូបនេះពុំធ្លាប់បានអេះអុញចង់ឲ្យក្លឹបលក់ខ្លួនចេញនោះឡើយ។
តាមរបាយការណ៍ពី Marca ក៏ធ្លាប់សង្កត់ធ្ងន់កាលពីខែមិថុនាថា Modric មានបំណងចង់តកុងត្រាថ្មីជាមួយស្តេចសទៀតផង ប៉ុន្តែមកទល់ពេលនេះមិនទាន់មានការបញ្ជាក់ផ្លូវការណាមួយនៅឡើយ។ ប្រភព៖ AF