ត្បិតអីតារាឆ្នើម Neymar Jr កំពុងរងចចាមអារ៉ាមថាគ្រោងផ្លាស់ទៅទ្រនំចាស់នៃទឹកដី Camp Nou ប៉ុន្តែតាមរយៈការយល់ឃើញរបស់ប្រធានក្របខ័ណ្ឌ LaLiga លោក Javier Tebas បានមើលឃើញផ្ទុយស្រឡះពីនេះ។
លោកបញ្ជាក់កាលពីថ្ងៃអាទិត្យកន្លងទៅ ថាជុំវិញកត្តានៃអាកប្បកិរិយារបស់ Neymar បុរសរូបនេះ មិនគួរវិលត្រលប់មកចូលរួមនៅ LaLiga វិញឡើយ។
ថ្លែងប្រាប់ Onda Cero៖ “ខ្ញុំសូមជ្រើសរើសយក Neymar មិនត្រលប់មក Barcelona គឺជារឿងល្អ ព្រោះយើងតែងតែចង់នាំយកកីឡាករល្អៗ តែសម្រាប់ករណី Neymar គឺបានបញ្ចេញឬកពាមិនសមរម្យក្នុងការប្រកួត ដោយទីបំផុតសារព័ត៌មាននឹងនិយាយថាគេធ្វើរឿងនេះរឿងនោះឥតឈប់ជាមិនខាន”។
លោកបន្ត៖ “យើងបានខិតខំខ្លាំងណាស់ដើម្បីរក្សាគុណតម្លៃដ៏ល្អនៅ LaLiga បែបនេះយើងមិនចង់ផ្លាស់ប្តូរចំណុចដ៏ល្អមួយនេះទេ”។ ប្រភព៖ Goal.com
