ក្រុម Chelsea កំពុងរៀបចំឯកសារចុះកុងត្រាយកខ្សែបម្រើ Mateo Kovacic ពីក្រុម Real Madrid ដាច់តែម្ដងហើយ ក្នុងតម្លៃខ្លួនប្រមាណជា៤០លានផោនឯណោះ។Kovacic ត្រូវបានក្រុម Chelsea ខ្ចីជើងរដូវកាលមុន ហើយបច្ចុប្បន្ននេះរូបគេក៏សប្បាយចិត្តក្នុងការលេងនៅអង់គ្លេសផងដែរ។ សមត្ថភាពលេងល្អ ហើយស្របពេលក្លឹប Chelsea កំពុងជាប់បម្រាមទិញដូរកីឡាករថ្មីផងនោះ ដូច្នេះហើយទើបតោខៀវត្រូវតែចុះកុងត្រាយកកីឡាករដែលខ្លួនខ្ចីជើងបាន។សម្រាប់បម្រាមដែល Chelsea ជាប់២ឆ្នាំនេះ គឺពួកគេមិនអាចទិញកីឡាករថ្មីចូលបានទេ ប៉ុន្តែសម្រាប់កីឡាករដែលពួកគេខ្ចីជើងកន្លងមក គឺអាចចុះកុងត្រាយកបានជាធម្មតា៕