កីឡាករ Arsenal ​ជឿ​ជា Man City ​នៅ​តែ​ជា​ក្រុម​លើក​ពាន Premier League ​រដូវ​កាល​ក្រោយ​

Alex Iwobi ​ខ្សែ​បម្រើ​ប្រយុទ្ធ​របស់​ក្រុម Arsenal ​ជឿ​ជាក់​ថា​នា​រដូវ​កាល​ក្រោយ​នេះ ​ក្រុម Manchester City ​នៅ​តែ​ជា​ក្រុម​មាន​ភាគរយ​ខ្ពស់​លើក​ពាន​រង្វាន់ English Premier League ​ដដែល។

ក្រុម Man City ​ប្រមូល​ពាន​អស់​នៅ​អង់គ្លេស​រដូវ​កាល​មុន ​ដោយ​ឈ្នះ​ពាន​លីគ​កំពូល​លើស​ពិន្ទុ​ក្រុម​លេខ​២ Liverpool ​តែ​១​ពិន្ទុ​ប៉ុណ្ណោះ។ សម្រាប់​រដូវ​កាល​នេះ​ខាង​មុខ ​កីឡាករ Iwobi ​នៅ​តែ​ជឿ​ជាក់​ថា​ក្រុម​របស់​លោក Pep ​នឹង​បន្ដ​ជោគជ័យ​បន្ថែម​ទៀត ដោយសារ​តែ​ពួកគេ​នៅ​តែ​បន្ដ​ចំណាយ​សម្រាប់​នាំ​យក​កីឡាករ​ល្អ​ៗ​មក​រួម​ក្រុម​ដើម្បី​បំពេញ​ចំណុច​ខ្វះខាត​។

កីឡាករ​ជម្រើស​ជាតិ​នីហ្សេរីយ៉ា​ខាង​លើ​នេះ ​បាន​បន្ដ​ទៀត​ថា​ត្បិត​តែ​រដូវ​កាល​នៅ​វែង​ឆ្ងាយ ​ប៉ុន្តែ​រូបគេ​មើល​ឃើញ​ថា Man City ​នៅ​តែ​ជា​ក្រុម​ល្អ ​ជា​ក្រុម​មាន​ភាគរយ​ខ្ពស់​ការពារ​តំណែង​ជើង​ឯក​សម្រាប់​ឆ្នាំ​ទី​៣​នេះ។ បើ​ទោះ​ជា​ក្លឹប​ដទៃ​មាន​ការ​ចំណាយ​ក៏​ពិត​មែន ប៉ុន្តែ​នៅ​តែ​ពិបាក​ក្នុង​ការ​ប្រជែង​ជាមួយ​ក្រុម​ការពារ​តំណែង​ជើង​ឯក​នេះ​ដដែល៕ប្រភព៖ Dailymail

ភ្ជាប់ទំនាក់ទំនងជាមួយ CTS SPORT