ក្រុម AC Milan ត្រូវជាប់បម្រាមមិនអាចលេងពានរង្វាន់ Europa League បានទេ នារដូវកាលថ្មីខាងមុខនេះ ក្រោយពី UEFA រកឃើញថាក្លឹបនេះធ្វើខុសច្បាប់ហិរញ្ញវត្ថុ Financial Fair Play ។
AC Milan ត្រូវបានគេរកឃើញថាមានការចំណាយលើសពីចំណូលរបស់ខ្លួន៣ឆ្នាំជាប់គ្នាមកហើយ។ ដែលកត្តានេះធ្វើឱ្យពួកគេធ្វើខុសពីគោលការណ៍ការចំណាយហិរញ្ញវត្ថុរបស់ UEFA ដែលបានចែងនិងក្លឹបទាំងអស់ត្រូវអនុវត្ត។ ដូច្នេះហើយ ទើប UEFA បានសម្រេចមិនឱ្យ AC Milan ចូលលេងពានរង្វាន់ Europa League នារដូវកាលក្រោយទេ។
ការចំណាយលើសលប់ពីចំណូលរបស់ក្លឹប AC Milan កើតឡើងនៅចន្លោះឆ្នាំ២០១៥ដល់២០១៧។ ហើយ UEFA ក៏រកឃើញភ្លាមៗផងដែរ ប៉ុន្តែដោយសារតែក្លឹបតវ៉ារហូតបាន២ឆ្នាំនេះ ទើបបានជាឆ្នាំនេះក្រុម AC Milan មិនអាចតវ៉ាអ្វីបានទេ ក្រៅពីយកការពិន័យនេះឡើយ៕ប្រភព៖ Bbc