អនុប្រធានក្លឹប Barcelona លោក Jordi Cardoner បានបញ្ជាក់ថាក្លឹបមិនទាន់មានបំណងចង់បាន Neymar មកវិញឡើយ ព្រោះត្រូវមានរឿងជាច្រើនត្រូវដោះស្រាយ។
កីឡាករប្រេស៊ីលនេះមានទំនាក់ទំនងខ្លាំងក្នុងការត្រលប់ទៅលេងនៅក្លឹបដើមវិញ ប៉ុន្តែបញ្ហាតម្លៃខ្លួនគឺជារឿងធំដែលធ្វើឱ្យការផ្ទេរពិបាកក្នុងការកើតឡើងខ្លាំងណាស់។ លោក Cardoner អនុប្រធានក្លឹបបាននិយាយថា Neymar ចង់ត្រលប់មកវិញមែន ប៉ុន្តែ Barcelona មិនទាន់គិតរឿងចុះកុងត្រាយកវិញឡើយ។ នៅមានរឿងជាច្រើនត្រូវដោះស្រាយ មុនការនិយាយពីការផ្ទេរនោះបាន។
Neymar មានបញ្ហាជាមួយច្រើនជាមួយថ្នាក់ដឹកនាំក្រុម PSG ដែលធ្វើឱ្យគេទាមទារចាកចេញពីបារាំង។ ប្រធានក្លឹបអ្នកមានមួយនេះក៏យល់ព្រមបញ្ចេញគេចេញដែរ ប៉ុន្តែទន្ទឹមនឹងការចេញនោះ ក៏ត្រូវមានតម្លៃខ្លួនសមរម្យមួយដែរ៕ប្រភព៖ Marca