ក្រុមបាល់ទាត់នារីអង់គ្លេស បានឡើងទៅវគ្គពាក់កណ្ដាលផ្ដាច់ព្រ័ត្រពានរង្វាន់ Women World Cup 2019 ហើយ ក្រោយពីយកឈ្នះក្រុមន័រវេស ៣-០ កាលពីយប់មិញនេះ។
ក្រុមបាល់ទាត់នារីអង់គ្លេសនាឆ្នាំនេះធ្វើបានល្អខ្លាំងមែនទែន។ ជាក់ស្ដែងនៅវគ្គ៨ក្រុម ពួកគេបានយកឈ្នះលើក្រុមន័រវេសបានយ៉ាងស្រួលតែម្ដង ដោយលទ្ធផល ៣-០។ ៣គ្រាប់នោះដែរ ធ្វើបានសម្រេចដោយ Scott នាទី៣ White នាទី៤០និង Bronze នាទី៥៧។ ពួកគេមានឱកាសស្វែងរកគ្រាប់បាល់ទី៤ទៀត ដោយ Parris នៅនាទី៨៣ ប៉ុន្តែប៉េណាល់ទីមិនបានសម្រេច។
ឡើងទៅវគ្គ៤ក្រុមចុងក្រោយនេះ ក្រុមអង់គ្លេស នឹងត្រូវរងចាំដៃគូរបស់ខ្លួន។ ដោយក្រុមបារាំងប៉ះអាមេរិកនៅរាត្រីនេះ នរណាឈ្នះនឹងប៉ះក្រុមអង់គ្លេសតែម្ដង៕ប្រភព៖ Dailymail
