Lionel Messi នាមួយរយៈចុងក្រោយនេះបានរងការរិះគន់និងប្រតិកម្មពីអ្នកគាំទ្រមួយចំនួនតូចម្តងហើយម្តងទៀត ចាប់តាំងពីការធ្លាក់ចេញពី UEFA Champions League វគ្គ ៤ ក្រុមចុងក្រោយ និងការធ្វើមិនបានល្អនៅ Copa America ២០១៩ វគ្គចែកពូលជាមួយជម្រើសជាតិអាហ្សង់ទីន។
ផ្ទុយស្រលះពីការលើកឡើងរបស់អតីតគ្រូធំ Barcelona គឺលោក Pep Guardiola បានចេញមុខការពារ Lionel Messi ដោយបានបញ្ជាក់ប្រាប់ Sky Sports ដូច្នោះថា៖ “ខ្ញុំនឹងមិនមានការសង្ស័យអ្វីទាំងអស់ពីគុណភាពលេងរបស់ Messi”។
លោកបន្ត៖ “ខ្ញុំគិតថា Barca ធ្វើបានល្អហើយដោយបានឈ្នះពានក្នុងលីគ និងឡើងដល់វគ្គផ្តាច់ព្រ័ត្រ Copa del Rey ដោយពួកគេធ្វើបានល្អច្រើន ហើយ Messi នៅតែសំខាន់ជានិច្ច ពោលគឺគាត់នឹងនៅតែបន្តអស្ចារ្យបែបនេះទៅទៀត”។ ប្រភព៖ SoccerLaduma