ក្រុមបាល់ទាត់ប្រេស៊ីល បានឡើងទៅវគ្គពាក់កណ្ដាលផ្ដាច់ព្រ័ត្រហើយ ក្រោយពីឈ្នះក្រុមប៉ារ៉ាហ្គាយ ដោយបាល់ប៉េណាល់ទី ៤-៣ ក្រោយស្មើគ្នា០-០ ពេញ៩០នាទីម៉ោងលេង។
ម្ចាស់ផ្ទះប្រេស៊ីលព្យាយាមវាយសម្រុកណាស់ដែរ ប៉ុន្តែមិនអាចទម្លាយសំណាញ់ទីក្រុមប៉ារ៉ាហ្គាយបានឡើយ បើទោះជានាទី៥៨ ក្រុមនេះបានកាតក្រហមម្នាក់ក៏ដោយ។ ការប្រកួតពេញ៩០នាទី គឺបញ្ចប់ក្នុងលទ្ធផលស្មើគ្នា ០-០ ដែលតម្រូវឱ្យពួកគេត្រូវទាត់បាល់កាត់សេចក្ដី១១ម៉ែត្រតែម្ដង។
នៅវគ្គនេះ បើកឆាកដំបូងក្រុមប៉ារ៉ាហ្គាយ ទាត់មិនចូលមួយទៅហើយ ដែលធ្វើឱ្យក្រុមប្រេស៊ីលមានសង្ឃឹម។ តែបន្ដបន្ទាប់មក Firmino ទាត់មិនចូល១គ្រាប់ដែរ ក៏ធ្វើឱ្យមានការតានតឹងខ្លាំងសម្រាប់គ្រាប់ចុងក្រោយ។ ទីបញ្ចប់ កីឡាករប៉ារ៉ាហ្គាយ ទាត់មិនចូលមួយទៀត ហើយ Jesus សម្រេចទីបាន ទើបប្រេស៊ីលមានឱកាសឡើងទៅវគ្គ៤ក្រុមចុងក្រោយ ដោយឈ្នះក្នុងលទ្ធផល ៤-៣៕