James បានបញ្ចប់កុងត្រាខ្ចីជើងជាមួយក្លឹប Bayern Munich ត្រឹមរដូវកាល ២០១៨/១៩ កន្លងទៅ ដោយសព្វថ្ងៃកំពុងស្វែងរកទ្រនំថ្មី ត្បិតអីនាមជាកីឡាករ Real Madrid តែហាក់គ្មានឈ្មោះក្នុងគោលដៅរបស់ Zidane នារដូវកាលក្រោយឡើយ។
យ៉ាងណាមិញតាមរយៈការលើកឡើងរបស់ឪពុកកីឡាករសញ្ជាតិកូឡុំប៊ីរូបនេះ បានសម្លឹងឃើញក្លឹប Napoli គឺជាទ្រនំតែមួយគត់ដែលសក្តិសមនឹងកូនរបស់ខ្លួន។
លោកបញ្ជាក់ថា៖ “កាលនៅ Porto, Spain, Bayern សុទ្ធសឹងតែមានស្ថានភាពខុសគ្នា ដោយរដូវកាលដ៏ល្អបំផុតរបស់ James គឺកាលលេងជាមួយ Carlo នៅ Madrid ដោយរវាងអ្នកទាំងពីរគឺមានការគោរពច្រើនបំផុត ហើយ James ក៏ទទួលបានការសាទរពីលោក Carlo ជុំវិញអ្វីដែលគេបានធ្វើ”។
លោកសង្កត់ធ្ងន់៖ “ខ្ញុំក៏លឺពីដំណឹងរវាងអ្នកទាំងពីរនាថ្ងៃខាងមុខ ហើយនេះក៏ជាអ្វីដែលគាត់ត្រូវផ្លាស់ប្តូរនៅពេលនេះ ហើយគិតថា Napoli ជាក្លឹបល្អបំផុតនិងសក្តិសមសម្រាប់ James”។ ប្រភព៖ AF
