Pep Guardiola បានបង្ហើបគម្រោងនឹងត្រលប់ទៅ Barcelona វិញ នៅថ្ងៃណាមួយក្នុងពេលឆាប់ៗនេះ ក្រោយពីលោកចាកចេញពីក្រុមប៉ុន្មានឆ្នាំមកហើយ។
Pep នៅសល់កុងត្រាដឹកនាំក្រុម Man City ២ឆ្នាំទៀត បន្ទាប់ពីដឹកនាំក្រុមអង់គ្លេសនេះឈ្នះពានរង្វាន់ក្នុងស្រុកទាំងអស់។ ដោយឡែកនៅសប្ដាហ៍នេះ បុរសសញ្ជាតិអេស្ប៉ាញបានបញ្ជាក់ថាលោកនឹងត្រលប់ទៅ Barcelona ក្នុងពេលឆាប់ៗខាងមុខ ឬពេលក្រោយ។ ការបញ្ជាក់បែបនេះ ក៏បានធ្វើឱ្យអ្នកគាំទ្រក្រុមអ្នកមានបុណ្យសប្បាយចិត្តខ្លាំងដែរ។
Pep ដឹកនាំក្រុម Barcelona ៤ឆ្នាំ ហើយជោគជ័យខ្លាំងបំផុត ឈ្នះពានរង្វាន់បានយ៉ាងច្រើន។ កត្តានេះហើយ ទើបបានជាអ្នកគាំទ្រជាច្រើនចង់ឃើញការវិលត្រលប់មកវិញរបស់លោកខ្លាំងណាស់៕ប្រភព៖ Dailymail