ក្រុម Inter Milan បានដាក់សំណើខ្ចីជើងខ្សែប្រយុទ្ធ Lakaku ពីក្រុម Manchester United ក្នុងតម្លៃ១០លានផោន រយៈពេល២រដូវកាល។
ដំបូងឡើយក្រុម Milan ចង់បានកីឡាករបែលហ្សិកនេះដាច់តែម្ដង ដោយដាក់តម្លៃទិញផ្ដាច់កុងត្រា ប៉ុន្តែដោយសារក្រុម Man Utd ទារដល់៧០លានផោន ទើបធ្វើឱ្យពួកគេបោះបង់ការចង់ទិញដាច់នោះទៅ។ ក្រុមរបស់លោក Conte បានប្ដូរយុទ្ធសាស្ត្រដោយស្នើជាការខ្ចីជើងវិញ ចំនួន២រដូវកាល។ ២រដូវកាលនោះដែរ Milan នឹងឱ្យ Man Utd ១០លានផោនផងដែរ។
ក្រុមរបស់លោក Ole នៅមិនទាន់សម្រេចយ៉ាងណាឡើយ ត្បិតអីបច្ចុប្បន្ននេះពួកគេមិនទាន់ទិញបានខ្សែប្រយុទ្ធណាម្នាក់មកពង្រឹងតំបន់ប្រយុទ្ធនៅឡើយ។ នៅយប់មិញនេះ Man Utd ទើបតែចុះកុងត្រាបានខ្សែការពារម្នាក់គឺ Aaron Wan-Bissaka ក្នុងតម្លៃជាង៥០លានផោន ពីក្រុម Crystal Palace ៕ប្រភព៖ Dailymail
