ក្រុម Manchester United ចង់ដាក់សំណើយកកីឡាករ Neymar ពីក្រុម PSG ដោយប្ដូរជាមួយកីឡាករ Pogba របស់ខ្លួន ប៉ុន្តែត្រូវបានដកថយវិញ ក្រោយពីឃើញតម្លៃដែលក្រុមអ្នកមានបារាំងដាក់។
Pogba កំពុងចង់ចេញពី Man Utd ដោយខ្លួនអះអាងថាដល់ពេលត្រូវរកក្លឹបថ្មីដើម្បីប្រកួតប្រជែងថ្មីហើយ។ មានក្រុម២ដែលចង់បានរូបគេ គឺ Real Madrid និង Juventus ប៉ុន្តែពិបាកយកព្រោះតម្លៃខ្លួនរបស់គេដល់១៥០លានផោនឯណោះដែលក្រុមបិសាចក្រហមដាក់លក់។
នៅពេលនេះក្រោយពីកីឡាករបារាំងចេះតែចង់ចាកចេញ ក្រុម Man Utd បានយករូបគេទៅប្ដូរជាមួយក្រុម PSG វិញ ដើម្បីយកខ្សែប្រយុទ្ធ Neymar ។ មិនទាន់និយាយពីតម្លៃផ្ដាច់កុងត្រា គ្រាន់តែតម្លៃខ្លួនពលកម្មរបស់ Neymar ក៏បានធ្វើឱ្យ Man Utd ដកថយវិញដែរ។ កីឡាករប្រេស៊ីលដែលកំពុងរបួសនេះ បានទាមទាររហូតដល់៩សែនផោនក្នុង១សប្ដាហ៍ឯណោះបើចង់ឱ្យរូបគេមកលេងនៅ Old Trafford ៕ប្រភព៖ Dailymail
