Halldorsson ជាអ្នកចាំទីរបស់អ៊ីស្លង់ ដែលបានសង្គ្រោះបាល់ប៉េណាល់ទីពីជើងរបស់ Lionel Messi បានសម្រេច និងជួយក្រុមយកបាន១ពិន្ទុពីក្រុមអាហ្សង់ទីន។
អ្នកចាំទីវ័យ៣៤ឆ្នាំរូបនេះបាននិយាយថា៖ “ខ្ញុំបានសិក្សាយ៉ាងលម្អិតពីក្រុមអាហ្សង់ទីន ជាពិសេស Messi តែម្ដង។ ការសង្គ្រោះបាល់ និងបច្ចេកទេសទាត់របស់ Messi ជាចំណុចខ្ញុំត្រូវដឹង ព្រោះខ្ញុំដឹងថាវានឹងកើតមានឡើងចំពោះការទាត់ប៉េណាល់ទីនេះ។ ចុងក្រោយ ខ្ញុំពិតជាជួបមែន ហើយការសិក្សារបស់ខ្ញុំមិនអត់ប្រយោជន៍ទេ។ វាជួយឱ្យខ្ញុំសម្រេចក្នុងការសង្គ្រោះបាល់ និងយក១ពិន្ទុឱ្យក្រុមជម្រើសជាតិ”។
ការដែលអាចសង្គ្រោះបាល់ប៉េណាល់ទីបាន១គ្រាប់នោះ ជួយឱ្យក្រុមអ៊ីស្លង់យកបាន១ពិន្ទុ ព្រោះអាចរក្សាលទ្ធផល ១-១ បាន។ ស្របពេលដែលប្រកួតបន្ទាប់របស់ក្រុមមកពីប្រទេសមានប្រជាជនជាង៣សែននាក់នេះ នឹងត្រូវជួបជាមួយនីហ្សេរីយ៉ានៅប្រកួតបន្ទាប់៕ប្រភព៖MARCA
