• ​ជើង​ចាស់​មួយ​រូប​ប្រាប់​ឲ្យ Salah ​ចូល​ក្លឹប​នេះ​ទៅ កុំ​ចូល Real Mdarid

    Mohamed Salah ​បាន​បង្ហាញ​ទម្រង់​លេង​យ៉ាង​ល្អ​ចាប់​តាំង​ផ្លាស់​ចេញ​ពី Roma មក​ចូលរួម​នៅ​ក្លឹប​ហង្ស​ក្រហម Liverpool។ ដោយ​រាប់​មក​ទល់​ពេល​នេះ Salah ​រក​បាន ៧១ គ្រាប់​ហើយ​ក្នុង​ការ​បង្ហាញ​ខ្លួន ១០៤ ប្រកួត។

    ត្បិត​មាន​ចចាមអារ៉ាម​ថា​គ្រោង​ផ្លាស់​ទៅ​ចូលរួម​នៅ​ក្លឹប Real Madrid ​ប៉ុន្តែ​កីឡាករ​អេហ្សីប​ត្រូវ​បាន​ជើង​ចាស់ Samuel Eto’o ជំរុញ​ឲ្យ​ផ្លាស់​ទៅ​លេង​នៅ​ក្លឹប Barcelona ទៅ​ជា​ជម្រើស​ល្អ​ជាង។

    Eto’o បាន​ប្រាប់ BBC៖ “Barcelonaគឺ​សក្តិសម​ជាង ដោយ Real ក៏​ផ្តល់​ឱកាស​ឲ្យ​ខ្ញុំ​បាន​ដក​ខ្លួន​ចេញ​ពី​អាហ្រ្វិក តែ​ខ្ញុំ​ដឹង​ច្បាស់​ថា Barca គឺ​ល្អ​ប្រសើរ​ជាង​សម្រាប់​គាត់”។

    ជើង​ចាស់​ដែល​ធ្លាប់​ចាយ​ពេល​នៅ​ថ្នាល​យុវជន​ Madrid មុន​ផ្លាស់​ទៅ Barcelona បាន ៥ ឆ្នាំ​បន្ថែម​ទៀត៖ “ប្រសិន​គាត់​មាន​ឱកាស​លេង​នៅ​លីគ​ល្អ​បំផុត​នៅ​ក្នុង​លោក ដែល​ជា​លីគ​អេស្ប៉ាញ គាត់​ត្រូវ​តែ​ចុះ​ហត្ថលេខា​ឲ្យ​ក្លឹប Barcelona”។ ប្រភព: Sportskeeda

    ភ្ជាប់ទំនាក់ទំនងជាមួយ CTS SPORT