ខ្សែការពារ Mats Hummels បានបញ្ជាក់ហេតុផលមិនព្រមផ្លាស់មកលេងនៅ Manchester United គឺដោយសារតែក្រុមនេះមិនបានលេងពានរង្វាន់ UEFA Champions League ។Man Utd ជាក្រុមដែលចង់បានខ្សែការពារអាល្លឺម៉ង់ខាងលើនេះយូរមកហើយ ខណៈដែលរដូវក្ដៅនេះពួកគេក៏បានទាក់ទងទិញផងដែរ។ យ៉ាងណាមិញ Hummels នៅតែមិនព្រមមក Old Trafford ដដែល ហើយក៏សម្រេចចិត្តចាកចេញពី Bayern Munich ផ្លាស់ទៅក្លឹបចាស់ Dortmund វិញបាត់ទៅហើយ។
ចំពោះហេតុផលមិនមកលេងនៅបិសាចក្រហមនេះ ត្រូវបានសាមីខ្លួនបញ្ជាក់ថារូបគេចង់លេងពានរង្វាន់ Champions League នារដូវកាលក្រោយនេះ។ ដូច្នេះហើយ ទើបបានជាមិនផ្លាស់ទៅលេងនៅក្លឹប Man Utd ។ ក្រុមរបស់លោក Ole រដូវកាលក្រោយ គឺត្រូវលេងពានរង្វាន់លំដាប់ទី២ Europa League ៕
ប្រភព៖ DailyMail
