តាមរយៈអាជីពក្នុងរយៈពេលជាង ១៥ ឆ្នាំរបស់ Lionel Messi គឺបានប្រើប្រាស់ពេលវេលានៅក្លឹប FC Barcleona មួយគត់ ដោយបង្ហាញខ្លួនបាន ៦៦៨ លើករកបាន ៥៨២ គ្រាប់និង Assist ២៣៤ លើក។
ជុំវិញភាពជោគជ័យជោគជាំនេះ នាយកជាន់ខ្ពស់មួយរូបរបស់ស្តេចស Madrid គឺលោក Jeronimo Farre បានពន្យល់ពីហេតុផលដែលក្លឹបរបស់ខ្លួនពុំធ្លាប់គិតដល់ការដាក់សំណើរចង់ទាមទារ Messi ចេញពី Barcelona។
លោកបានប្រាប់សារព័ត៌មាន El Mundo ដូច្នោះថា៖ “កាលដែល Messi មិនលេងនៅ Madrid នោះក៏ដោយសាររឿងនេះវាមិនអាចធ្វើទៅបាន”។
លោកបន្តថា៖ “មួយទៀតគឺដោយសារគាត់មិនងាយនឹងយកបានទេ ហើយកត្តាតម្លៃក៏ដូចគ្នា បន្សំពីនោះគឺដោយសារយើងមាន Cristiano Ronaldo ដែល Madrid រីករាយនឹងទេពកោសល្យរបស់គាត់អស់រយៈពេល ៩ ឆ្នាំ”។ ប្រភព៖ 9SportPro