តារាឆ្នើមនៃក្លឹប Atletico Madrid និងជម្រើសជាតិប្រេស៊ីលគឺ Filipe Luis បានបង្ហើបថា Neymar Jr គួរណាតែវិលត្រលប់មកកាន់ក្លឹបយក្ស Barcelona វិញ ក្រោយចាកចេញទៅចូលរួមនៅ Paris អស់រយៈពេល ២ ឆ្នាំ។
ថ្លែងក្រោយបិទការប្រកួតជុំទី ៣ នៅ Copa ជាមួយ Cadena COPE កីឡាកររូបនេះប្រាប់ថា៖ “ខ្ញុំពិតជាចង់ឃើញ Neymar នៅ Barca កន្លែងដែលគាត់រីករាយ និងយកស្នាមញញឹមត្រលប់មកវិញ”។
Luis បន្តទាក់ទិននឹងអនាគត៖ “តើខ្ញុំអាចទៅចូលរួមជាមួយគាត់នៅ Barca? តាមពិតទៅខ្ញុំបានសន្យាជាមួយ Atletico ថានឹងមិនចូលចរចាសំណើរណាមួយទាំងអស់ ដរាបណាមិនទាន់ចប់ការប្រកួត Copa Ameria”។
គួររំឭកថា Luis បានចុះហត្ថលេខាមកលេងឲ្យ Atletico Madrid នាឆ្នាំ ២០២១ ក្រោយចាកចេញពី Chelsea ដែលបានចាយពេល ៤ រដូវកាលនៅទីនោះ។ ប្រភព៖ FoxSportAsia