លោក Gary Neville បានបង្ហាញអារម្មណ៍ពិតថាទោះជារយៈពេល២ឆ្នាំទៀត ក៏ក្រុម Manchester United នៅមិនទាន់អាចលើកពានលីគកំពូលអង់គ្លេស Premier League បានដែរ។
ក្រុមបិសាចក្រហមបញ្ចប់ក្នុងលទ្ធផលលេខ៦កាលពីរដូវកាលមុន ក្រោយពីការចាប់ផ្ដើមរដូវកាលមិនល្អរបស់លោក Jose Mourinho ហើយការចាប់ផ្ដើមដឹកនាំរបស់លោក Ole Gunnar Solskjaer ។ ជាមួយការត្រៀមរដូវកាលថ្មី មិនមានអ្វីប្លែកសម្រាប់ Man Utd ទៀតនោះ ធ្វើឱ្យអតីតកីឡាករក្រុមនេះ Neville គិតថាក្រុមមួយនេះត្រូវការពេលច្រើនទៀត ដើម្បីកសាងក្រុមឱ្យល្អឡើងវិញ។
អតីតខ្សែការពារស្លាបស្ដាំខាងលើបាននិយាយដូច្នេះថា៖ “ការមានផ្លាស់ប្ដូរច្រើនណាស់ក្នុងក្រុមនេះ។ ជាមួយការដូរកីឡាករច្រើនដែលមិនទាន់មានលំនឹង។ វាជារឿងមិនអាចទៅរួចឡើយ សម្រាប់ Man Utd អាចឈ្នះពានរង្វាន់បាននៅពេល២ឆ្នាំខាងមុខនេះ។ ពួកគេត្រូវការពេលច្រើនទៀតដើម្បីកសាងក្រុម”៕ប្រភព៖ Dailymail
