ខ្សែបម្រើ Pual Pogba ត្រូវបានគេដឹងថាទូរសព្ទទៅលោក Sarri អ្នកចាត់ការថ្មីក្រុម Juventus ដើម្បីនាំរូបគេចេញពីក្រុម Man Utd នារដូវក្ដៅនេះហើយ។
កីឡាករវ័យ២៦ឆ្នាំកំពុងស្វែងរកគ្រប់វិធីដើម្បីបានផ្លាស់ចេញពីក្រុមបិសាចក្រហមត្រឹមរដូវក្ដៅនេះ។ ដំបូងឡើយ រូបគេចង់ចាកចេញទៅលេងនៅក្លឹប Real Madrid ប៉ុន្តែរឿងនោះពិបាកកើតឡើង ព្រោះក្លឹបអធិរាជសបានចំណាយប្រាក់ទិញកីឡាករអស់ជាង៣០០លានអឺរ៉ូទៅហើយ ដូច្នេះពួកគេពិបាកក្នុងការចាយជាង១០០លានអឺរ៉ូទៀតណាស់ ត្បិតអីបច្ចុប្បន្នមិនទាន់លក់ចេញកីឡាករណាម្នាក់បានប្រាក់ច្រើននៅឡើយ។
ដូច្នេះហើយនៅសល់តែ Juventus មួយទៀតទេ ដែលអាចនាំរូបគេចេញពីក្រុម Man Utd បាន ព្រោះក្លឹបនៅអ៊ីតាលីនេះនៅមិនទាន់ចាយលុយទិញកីឡាករណាម្នាក់នៅឡើយ។ បូកផ្សំជាមួយអ្នកចាត់ការថ្មី Sarri ទើបកាន់តំណែងផងនោះ ទើបបានជា Pogba ចង់ឱ្យបុរសអ៊ីតាលីនេះនាំគេទៅវិញ។ ប្រភពពីអ៊ីតាលីមក បានបញ្ជាក់កីឡាករបារាំងនេះ បានទូរសព្ទទៅលោក Sarri ផ្ទាល់ដើម្បីឱ្យទិញរូបគេនេះ៕ប្រភព៖ Dailymail
