Coutinho ៖ ​ខ្ញុំ​មិន​ដឹង​ថា​រដូវ​កាល​ក្រោយ​លេង​ឱ្យ Barca ​ឬ​អត់​ទេ​

Philippe Coutinho ​មិន​ច្បាស់​ពី​អនាគត​របស់​ខ្លួន​នៅ​ក្លឹប Barcelona ​ឡើយ ​ដោយ​បច្ចុប្បន្ន​នេះ​មាន​ក្លឹប​ជា​ច្រើន​កំពុង​ទាក់ទង​ចង់​បាន​រូបគេ។

ក្រុម Barcelona ​បាន​ដាក់ Coutinho ​ក្នុង​បញ្ជី​កីឡាករ​លក់​ចេញ​នៅ​រដូវ​កាល​នេះ​ហើយ ​បើ​ទោះ​ជា​រូបគេ​ទើប​តែ​ទិញ​ចូល​យ៉ាង​ណា​ក៏​ដោយ។ ​ការ​លក់​ចេញ​នេះ ​កើត​ឡើង​ក្រោយ​ពី​លោក Valverde ​មើល​ឃើញ​ថា​កីឡាករ​ប្រេស៊ីល​នេះ ​លេង​មិន​ត្រូវ​តាម​អ្វី​ដែល​លោក​ចង់​បាន​ឡើយ។ ខណៈ​ដែល​បច្ចុប្បន្ន​មាន​ក្លឹប​នៅ​អង់គ្លេស បាន​បង្ហាញ​ការ​ចាប់​អារម្មណ៍​លើ​រូបគេ​ដែរ​ដូចជា Man Utd ​និង Chelsea ​ជា​ដើម។

សាមី​ខ្លួន Coutinho ​បាន​និយាយ​ចំពោះ​រឿង​អនាគត​ដូច្នេះ​ថា​៖ “ខ្ញុំ​មិន​ច្បាស់​ថា​ខ្ញុំ​នឹង​លេង​នៅ Barcelona ​ទៀត​ឬ​អត់​ទេ។ គ្មាន​អ្នក​ដឹង​ពី​អនាគត​ឡើយ ហើយ​បច្ចុប្បន្ន​ខ្ញុំ​កំពុង​តែ​ផ្ដោត​អារម្មណ៍​លើ​ការ​លេង​ឱ្យ​ជម្រើស​ជាតិ​នៅ​ពាន​រង្វាន់ Copa America ​ប៉ុណ្ណោះ”៕ប្រភព៖ Dailymail

ភ្ជាប់ទំនាក់ទំនងជាមួយ CTS SPORT