លោក Jurgen Klopp អ្នកចាត់ការក្រុម Liverpool បានបញ្ជាក់ថាក្លឹបទាំងអស់សុទ្ធតែចំណាយលុយធំដើម្បីដូរកីឡាករទាំងអស់ ដូច្នេះហើយលោកក៏ត្រូវចំណាយដូចគ្នា ទើបអាចប្រជែងជាមួយគេបាន។
ហង្សក្រហមបានឈ្នះពានរង្វាន់ UEFA Champions League និងបានលេខ២នៅលីគកំពូលអង់គ្លេសកាលពីរដូវកាលមុន ប៉ុន្តែលោក Klopp មានអារម្មណ៍ថាក្រុមរបស់លោកត្រូវការកម្លាំងបន្ថែមទៀត ទើបអាចប្រជែងរដូវកាលថ្មីបាន។ អ្នកចាត់ការសញ្ជាតិអាល្លឺម៉ង់ខាងលើបានបញ្ជាក់ទៀតថានារដូវកាលនេះ ក្រុមទាំងអស់បានត្រៀមខ្លួនចំណាយច្រើនដើម្បីទិញកីឡាករថ្មីចូល។ ដូច្នេះហើយ ទើបក្រុមរបស់លោកក៏ត្រូវត្រៀមបញ្ចប់ទឹកប្រាក់ដើម្បីរកកីឡាករបន្ថែមដែរ។
វិស័យបាល់ទាត់នាពេលបច្ចុប្បន្នមានការប្រកួតប្រជែងគ្នាខ្ពស់ ហើយប្រសិនបើចង់បានកីឡាករល្អក៏ត្រូវការចំណាយធំដែរ។ ក្លឹបណាដែលមិនហានចំណាយក្នុងការទិញដូរកីឡាករទេ នោះពួកគេនឹងពិបាកក្នុងការប្រជែងជាមួយកីឡាករដទៃទៀតហើយ៕ប្រភព៖ Dailymail
