ក្រុម Juventus មានទំនុកចិត្តខ្ពស់ក្នុងការយកខ្សែបម្រើ Pual Pogba ពីក្រុម Manchester United មកវិញនារដូវក្ដៅនេះ បើទោះជាក្រុមបិសាចក្រហមកំពុងព្យាយាមរក្សាទុកខ្លាំង។
Pogba ចង់ចាកចេញពីក្រុម Man Utd ហើយនារដូវក្ដៅនេះ បើទោះជាក្លឹបកំពុងព្យាយាមចរចាចងជើងគេទុកក៏ដោយ។ មានក្រុម២ដែលចង់បានរូបគេខ្លាំងគឺ Juventus និង Real Madrid ប៉ុន្តែអ្វីដែលធ្វើឱ្យពិបាកសម្រាប់ក្រុមទាំងពីរនោះគឺតម្លៃខ្លួនរបស់គេតែម្ដង។ ក្រុមបិសាចក្រហម បានដាក់តម្លៃលក់កីឡាករបារាំងនេះដល់ទៅ១៥០លានផោនឯណោះ។ តម្លៃនេះ បានធ្វើឱ្យក្រុមអធិរាជស រារែកក្នុងការដេញថ្លៃទៅហើយ។ នៅសល់តែ Juventus ១ប៉ុណ្ណោះ ដែលមានទំនុកចិត្តខ្ពស់ថានឹងបានអតីតកីឡាកររបស់ខ្លួនវិញ។
ក្រុម Juventus មានទំនុកចិត្តខ្ពស់នេះ គឺដោយសារតែពួកគេធ្លាប់ធ្វើការជាមួយ Pogba ៤ឆ្នាំ ហើយធ្វើឱ្យរូបគេក្លាយជាខ្សែបម្រើលេចធ្លោខ្លាំងនៅលើលោកនេះ។ ខណៈដែលតម្លៃវិញ ពួកគេក៏នឹងព្យាយាមបន្ថយមិនឱ្យដល់១៥០លានផោនឡើយ ប៉ុន្តែអាចនឹងមានការថែមកីឡាករជំនួសវិញ៕ប្រភព៖ Dailymail
