លោក Luis Enrique បានប្រកាសលាលែងតំណែងពីគ្រូបង្វឹកជម្រើសជាតិអេស្ប៉ាញហើយ ក្រោមហេតុផលផ្ទាល់ខ្លួនមិនអាចដឹកនាំបន្ដបាន។
លោក Luis Rubiales ប្រធានសហព័ន្ធបាល់ទាត់អេស្ប៉ាញបានប្រកាសដំណឹងខាងលើកាលពីម្សិលមិញនេះ។ ដោយការចាកចេញនេះដែរ គឺមកពីបញ្ហាផ្ទាល់ខ្លួនរបស់អតីតអ្នកចាត់ការក្រុម Barcelona ផ្ទាល់តែម្ដង ព្រោះលោកជាអ្នកសុំថ្នាក់ដឹកនាំលាឈប់។ ទន្ទឹមនឹងការឈប់នេះដែរ ជំនួយការរបស់លោកឈ្មោះ Robert Moreno នឹងមកជំនួសតំណែងគ្រូបង្វឹកក្រុមអេស្ប៉ាញនេះ។
ប្រភពនៅអេស្ប៉ាញបានបង្ហើបពីមូលហេតុផ្ទាល់ខ្លួននោះថា មានសមាជិកម្នាក់ក្នុងគ្រួសាររបស់លោក Enrique កំពុងមានជំងឺដូច្នេះហើយលោកត្រូវការពេល ដើម្បីមើលថែគេ។ គ្រូបង្វឹករូបនេះ ខកខានដឹកនាំក្រុមអេស្ប៉ាញតាំងពីខែមិនាមកម្ល៉េះ ដូច្នេះហើយទើបលោកសម្រេចចិត្តឈប់ពីការងារនេះតែម្ដង៕ប្រភព៖ Dailymail