ក្រុមខ្លាំងប្រេស៊ីល លេងបានត្រឹមស្មើក្រុមវេណេហ្ស៊ុយអេឡា ០-០ ប៉ុណ្ណោះក្នុងការប្រកួតពានរង្វាន់ Copa America នៅព្រឹកមិញនេះ។
ក្នុងការប្រកួតនេះ ក្រុមម្ចាស់ផ្ទះប្រេស៊ីលព្យាយាមបុកយ៉ាងខ្លាំង ហើយក៏មានគ្រាប់ស៊ុតចូលដល់ទៅ៣ដងផងដែរ ប៉ុន្តែគួរឱ្យស្ដាយ៣ដងនោះ គឺបច្ចេកវិទ្យា VAR ផ្ដល់សញ្ញាថាបាល់មិនផ្ដល់ឱ្យទាំងអស់។ ដោយគ្រាប់ទី១របស់ Firmino គ្រាប់ទី២របស់ Jesus និងគ្រាប់ទី៣របស់ Coutinho ។ ៣គ្រាប់នេះ ត្រូវបានអាជ្ញាកណ្ដាលមិនផ្ដល់ឱ្យឡើយ ក្រោយពីទៅពិនិត្យមើល VAR ឃើញថាមានកំហុស។
កត្តានេះហើយ ធ្វើឱ្យប្រេស៊ីលមិនអាចយកឈ្នះលើក្រុមវេណេហ្ស៊ុយអេឡាបានឡើយ ដោយបានត្រឹម ០-០ ប៉ុណ្ណោះ។ ចែកគ្នាម្នាក់១ពិន្ទុនេះ ធ្វើឱ្យប្រេស៊ីលមាន៤ពិន្ទុស្មើជាមួយក្រុមប៉េរ៉ូដែរ ហើយប្រកួតចុងក្រោយក្នុងពូល ពួកគេនឹងត្រូវប៉ះក្រុមប៉េរ៉ូនេះឯង៕ប្រភព៖ Dailymail
