កាលពីម្សិលមិញនេះ មានដំណឹងថាក្លឹប Bayern Munich បានទាក់ទងខ្ចីជើងខ្សែប្រយុទ្ធ Gareth Bale ពីក្រុម Real Madrid ហើយ ដើម្បីពង្រឹងតំបន់ប្រយុទ្ធរបស់ពួកគេ។
ក្រោយពីធ្លាយដំណឹងនេះ ភ្នាក់ងារទីផ្សាររបស់ Bale បានចេញមកបដិសេធភ្លាម។ លោក Jonathan Barnett បានច្រានចោលដំណឹងខាងលើនេះ ហើយអះអាងថាគ្មានក្រុម Bayern Munich ទាក់ទងខ្ចីជើង Bale ដូចដែលគេចុះផ្សាយព្រោងព្រាតនោះឡើយ។ ភ្នាក់ងាររូបនេះ បានបញ្ជាក់ទៀតថា Bale នឹងប្រឹងប្រែងហ្វឹកហាត់ ហើយបន្ដលេងឱ្យក្រុម Real Madrid ទៀតរដូវកាលក្រោយ។
Bale ជាកីឡាករទទួលបានប្រាក់ចំណូលខ្ពស់ ពោលគឺ ៣០០ ០០០ផោនក្នុង១សប្ដាហ៍ និងមានកុងត្រាដល់ឆ្នាំ ២០២២ឯណោះនៅក្លឹប Real Madrid ។ ប្រាក់ពលកម្មខ្ពស់នេះហើយ ទើបធ្វើឱ្យក្លឹបដទៃទៀតពិបាកក្នុងការខ្ចីជើងរូបគេ ឬក៏ទិញយកដាច់ ព្រោះកីឡាករវែលរូបនេះបច្ចុប្បន្នលេងមិនបានល្អដូចពីមុនឡើយ៕ប្រភព៖ Dailymail
