ក្រុម Real Madrid ចាប់ផ្ដើមដេញថ្លៃខ្សែបម្រើប្រយុទ្ធ Eriksen ហើយ ក្នុងតម្លៃ៤៥លានផោន ក្រោយពីការចង់បាន Pogba ហាក់ពិបាកខ្លាំងពេក។
សំណើ៤៥លានផោននេះ គឺក្រុម Real Madrid ដាក់ដោយថែមជាមួយ Dani Ceballos ម្នាក់ទៀតឱ្យក្រុម Spurs ដើម្បីយក Eriksen នេះ។ តម្លៃប៉ុណ្ណឹងជាមួយកាដូកីឡាករម្នាក់ទៀត គឺអាចនឹងធ្វើឱ្យលោក Pochettino ទន់ចិត្តហើយ ត្បិតអីលោកក៏ពេញចិត្តកីឡាករ Dani នេះផងដែរ។ ប្រសិនបើការផ្ទេរនេះកើតឡើងមែន នោះក្រុម Real Madrid មិនចុះកុងត្រាយក Pogba ទេ ព្រោះពួកគេមានខ្សែបម្រើគ្រប់គ្រាន់ហើយ។
ក្រុមរបស់លោក Zidane ចង់បាន Pogba ឬ Eriksen នេះ ជាកីឡាករចុងក្រោយរបស់ពួកគេដែលត្រូវទិញយកនារដូវក្ដៅនេះ។ ខណៈដែលពួកគេបានទិញកីឡាករ៥នាក់រួចមកហើយ ចំណាយអស់ជាង៣០០លានផោនទៅហើយ៕ប្រភព៖ Dailymail