ខ្សែការពារឆ្នើម Matthijs de Ligt បានបដិសេធឱកាសចូលលេងឱ្យក្រុម FC Barcelona ទៅហើយ ដោយរូបគេចង់ទៅលេងនៅក្រុម PSG ច្រើនជាង។
កីឡាករវ័យ១៩ឆ្នាំនេះ មានក្លឹបនៅអឺរ៉ុបជាច្រើនចង់បានរូបគេ ជាពិសេសគឺ Barcelona និង PSG តែម្ដង។ យ៉ាងណាមិញសាមីខ្លួនបានបដិសេធឱកាសចូលលេង ឱ្យក្រុមអ្នកមានបុណ្យទៅហើយ ក្រោយពីការចរចាគ្នាមិនត្រូវ។ ផ្ទុយទៅវិញ រូបគេបែរជាចាប់អារម្មណ៍ខ្លាំងទៅលើការផ្លាស់ទៅលេងនៅ PSG វិញ ដែលជាក្លឹបហានផ្ដល់តម្លៃខ្លួនគេខ្ពស់។
មានប្រភពបញ្ជាក់ថា PSG បានផ្ដល់តម្លៃខ្លួនរូបគេដល់១៧លានផោនឯណោះក្នុង១ឆ្នាំ។ តម្លៃនេះគឺខ្ពស់ណាស់ បើធៀបជាមួយកីឡាករដទៃទៀតក្នុងវ័យក្មេងដូចគ្នានេះ៕ប្រភព៖ Dailymail
