យោងតាមរបាយការណ៍ចុងក្រោយបង្អស់បានចុះផ្សាយថាក្លឹប West Ham បានទទូចប្រាប់ទៅ Manchester United ឲ្យបន្ថែមខ្សែប្រយុទ្ធ Anthony Martial ក្នុងកញ្ចប់ចរចានៃការចង់បានខ្សែការពារ Issa Diop សម្រាប់ទីផ្សារដោះដូររដូវក្តៅ។
United ដែលកំពុងខ្សោយនៅតំបន់ការពារកណ្តាល បានចុចឈ្មោះ Diop នៅបេក្ខភាពដែលខ្លួនចង់បាន ក្រោយរូបគេបង្ហាញខ្លួននាមជាខ្សែការពារដ៏ល្អមួយរូបកាលពីរដូវកាល ២០១៨/១៩។ កន្លងទៅ West Ham បានបដិសេធចោល ដោយមិនទទួលយកសំណើរថ្លៃខ្លួន ៤០ លានផោនសម្រាប់កីឡាករវ័យ ២២ ឆ្នាំរូបនេះឡើយ។
យ៉ាងណាមិញពួកគេបានបង្ខំឲ្យបិសាចក្រហម គួរណាទម្លាក់ឈ្មោះ Martial ក្នុងសំណើរដោះដូរមួយនេះបន្ថែមទៀត បូកផ្សំជាមួយនឹងកញ្ចប់ថវិកាផ្សេងទៀត ទើបក្លឹប West Ham អាចពិចារណាលើការព្រមព្រៀងនេះបាន។
គួរបញ្ជាក់ថាខ្សែការពារកណ្តាលបារាំង [Diop] ត្រូវបានក្លឹប West Ham ចុះហត្ថលេខាទិញចេញពី Toulouse កាលពីរដូវក្តៅឆ្នាំទៅនៅតម្លៃខ្លួន ២២ លានផោន។ ប្រភព៖ Metro
