នរណា​មិន​ដឹង​ទេ តែ Al-Khelaifi ​ថា ២០០ ភាគរយ​តារា​ឆ្នើម​ម្នាក់​នេះ​ដឹង​តែ​នៅ​ហើយ

Nasser Al-Khelaifi ដែល​ជា​ប្រធាន​ក្លឹប​ Paris Saint-Germain ​បាន​បញ្ជាក់​ម្តង​ហើយ​ម្តង​ទៀត​ថា​អនាគត​របស់ Kylian Mbappe ​នឹង​ពុំ​ចាកចេញ​ទៅ​កាន់​ទ្រនំ​ថ្មី​ណា​មួយ​នោះ​ទេ​សម្រាប់​ទីផ្សារ​ដោះដូរ​រដូវ​ក្តៅ​ខាង​មុខ។

លោក​បាន​ថ្លែង​ប្រាប់​សារព័ត៌មាន France Football ដូច្នោះ​ថា៖ “ខ្ញុំ​ច្បាស់ ២០០ ភាគរយ​ថា​ Mbappe នឹង​បន្ត​ឈរ​ជើង​នៅ PSG នា​រដូវ​កាល​ក្រោយ“។

ជជែក​ដល់​រឿងរ៉ាវ​នៃ​ការ​ចុះ​ហត្ថលេខា​យក Mbappe និង Neymar កន្លង​មក សេដ្ឋី​អារ៉ាប់​រូប​នេះ​បញ្ជាក់​ថា៖ “ខ្ញុំ​លែង​ចង់​បាន​តារា​ឆ្នើម​រូប​ណា​ទៀត​ហើយ ដោយ​ខ្ញុំ​ត្រឹម​ចង់​បាន​កីឡាករ​ដែល​ត្រៀម​ខ្លួន​រួចរាល់​ក្នុង​ការ​ការពារ​កិត្តិយស​នៃ​អាវ​ដែល​ពួក​គេ​ពាក់​និង​សក្តិសម​ទៅ​នឹង​ផែនការណ៍​របស់​ក្លឹប”។

បញ្ជាក់​ថា​ជុំវិញ​រឿងរ៉ាវ​ចាក់ស្រេះ​របស់ Neymar មិន​ទាន់​មាន​ការ​ទម្លាយ​ជាក់ច្បាស់​នៅ​ឡើយ ​ខណៈ​កាល​ពី​ម្សិលមិញ​លោក Al-Khelaifi ​បាន​បង្ហាញ​ការ​មិន​ពេញ​ចិត្ត​ចំពោះ​អាកប្បកិរិយា​មិន​សមរម្យ​កន្លង​មក​ដែល​កីឡាករ​ប្រេស៊ីល​បាន​ប្រព្រឹត្តិ ហើយ​ប្រសិន​នៅ​បន្ត​មាន​ទៀត​នោះ​លោក​មិន​ខ្លាច​នឹង​លក់​ចេញ​រូប​គេ​នោះ​ឡើយ។ ប្រភព: Marca

ភ្ជាប់ទំនាក់ទំនងជាមួយ CTS SPORT