ក្លឹប Barcelona កំពុងរៀបចំដេញថ្លៃយកខ្សែប្រយុទ្ធ Neymar ត្រលប់មកវិញហើយ ក្រោយពីក្រុម PSG បានប្រកាសលក់រូបគេនៅរដូវក្ដៅនេះ។
ប្រភពនៅបារាំងបានបញ្ជាក់ថា PSG នឹងព្រមលក់កីឡាករប្រេស៊ីលនេះចេញវិញ ក្រោយពីប្រធានក្លឹបមិនសប្បាយចិត្តចំពោះទង្វើរបស់គេកន្លងមក។ ខណៈដែល២រដូវកាលមកនេះ រូបគេក៏មិនបានជួយក្រុមអ្វីបានច្រើនដែរ។ ក្រោយពីមានការប្រកាសបែបនេះភ្លាម ខាងក្រុម Barcelona ចាប់អារម្មណ៍ភ្លែត ហើយក៏បញ្ជូនក្រុមការងារទៅចរចាផងដែរ។
ក្នុងនោះ Barcelona បានដាក់តម្លៃខ្លួន៩០លានផោនក្នុងការនាំយករូបគេត្រលប់មកវិញ។ អមជាមួយប្រាក់៩០លាននេះ ក្រុមអ្នកមានបុណ្យនឹងបន្ថែមឱ្យកីឡាករម្នាក់ទៀត ក្នុងចំណោម៣នាក់នេះ Ousmane Dembele, Ivan Rakitic និង Samuel Umtiti៕ប្រភព៖ Dailymail