ខ្សែការពារ Dani Alves បានបញ្ជាក់ថាទោះជាគ្មានវត្តមានរបស់ Neymar ក៏ក្រុមប្រេស៊ីលនោតែធ្វើបានល្អដដែល ព្រោះក្រុមនេះជាក្រុមលេងសហការគ្នាល្អ។
ក្រុមប្រេស៊ីល បានបើកការប្រកួត Copa America បានយ៉ាងល្អដោយយកឈ្នះលើក្រុមបូលីវី ៣-០។ សម្រាប់ការលេងពានរង្វាន់នេះ ពួកគេមិនមានតារាឆ្នើម Neymar ឡើយ ព្រោះរូបគេរងរបួសជើងធ្ងន់ធ្ងរ ពេលប្រកួតមិត្តភាពទល់ក្រុមកាតាកន្លងទៅ។ ជាមួយការអវត្តមានកីឡាករ PSG នេះ Alves បានបញ្ជាក់ថាមិនប៉ះពាល់ក្រុមឡើយ។
កីឡាករប្រេស៊ីលទាំងអស់មានមោទនភាពក្នុងការពាក់អាវជម្រើសជាតិប្រេស៊ីលនេះ។ ហើយក្រុមទាំងមូលក៏លេងដើម្បីជ័យជម្នះដែរ ព្រោះប្រេស៊ីលមានប្រវត្តិដ៏អស្ចារ្យតាំងពីដើមមក។ ប្រកួតបន្ទាប់របស់ក្រុមសាំបា នេះនឹងត្រូវប៉ះជាមួយក្រុមវេណេហ្ស៊ុយអេឡា នៅថ្ងៃទី១៩ខាងមុខ មុនពេលប៉ះក្រុមប៉េរ៉ូនៅប្រកួតចុងក្រោយក្នុងពូល A៕ប្រភព៖ Angkorpost