ក្រុមបាល់ទាត់នារីថៃ បានបរាជ័យក្រោមថ្វីជើងក្រុមបាល់ទាត់នារីស៊ុយអែត ៥-១ ក្នុងការប្រកួតពានរង្វាន់ Women World Cup 2019 នៅប្រទេសបារាំង។
ជាមួយលទ្ធផលចាញ់ក្រុមខ្លាំងនេះដែរ អ្នកស្រី Nuengrutai Srathongvian អ្នកចាត់ការក្រុមថៃ បាននិយាយថាការស្វែងរកបាន១គ្រាប់នៅ World Cup នេះ បានធ្វើឱ្យក្រុមទាំងមូលមានមោទនភាពណាស់។ ១គ្រាប់នេះ ធ្វើឱ្យថ្នាក់ដឹកនាំក្រុមទាំងអស់យំផង សើចផង ព្រោះជាគ្រាប់បាល់ដែលក្រុមអាចធ្វើបាន ពេលលេងទល់ក្រុមខ្លាំងកម្រិតពិភពលោកនេះ។
អ្នកស្រី បានចាត់ទុកថាការស្វែងរកបាន១គ្រាប់នេះ គឺជាជោគជ័យធំមួយសម្រាប់ក្រុមជម្រើសជាតិថៃហើយ ក្នុងព្រឹត្តិការណ៍ World Cup នារីឆ្នាំ២០១៩នេះ។ រំលឹកថា២ប្រកួតកន្លងមក ក្រុមថៃ បើកឆាកចាញ់ក្រុមការពារតំណែងជើងឯកអាមេរិក ១៣-០ និងប្រកួតទី២ ចាញ់ក្រុមស៊ុយអែត ៥-១។ ប្រកួតចុងក្រោយរបស់ពួកគេ បង្គ្រប់កិច្ចគឺប៉ះក្រុមឈីលី៕ប្រភព៖ Bbc